Ana Səhifə Haqqımızda Tərəfdaşlar Xidmətlər Suallar Əlaqə
Azərbaycan Русский
Daxil ol Tərəfdaş Olun

ÜMUMİ ELEKTRON XİDMƏT VƏ ZƏMANƏT MÜQAVİLƏSİ (OFERTA)

Müştərilər (Sifarişçilər) üçün elektron müqavilə şərtləri

1. Ümumi Müddəalar

1.1. Bu Müqavilə e-zemanet.az platforması (bundan sonra "Platforma") ilə Platformadan xidmət sifariş edən fiziki və ya hüquqi şəxs (bundan sonra "Müştəri") arasında bağlanır.

1.2. Müştəri Platformada qeydiyyatdan keçməklə və ya sifarişi təsdiqləməklə bu müqavilənin bütün şərtlərini qeyd-şərtsiz qəbul etmiş sayılır.

2. Müqavilənin Predmeti

2.1. Platforma Müştəriyə elektrotexnika cihazlarına zəmanət xidməti ilə yanaşı, məişət və fərdi xidmətlərin (usta, dayə, təmizlik, quru təmizləmə və s.) zəmanətli şəkildə sifariş edilməsi üçün rəqəmsal mühit təqdim edir.

2.2. Platforma Müştəri ilə xidməti birbaşa icra edən Tərəfdaş arasında təhlükəsiz vasitəçi və zəmanət nəzarətçisi kimi çıxış edir və zəmanət xidməti üçün qeyd edilən vəsaiti xidmət haqqı ilə birgə ödəyir.

3. Zəmanət Şərtləri və Məsuliyyət

3.1. Hər bir xidmət tamamlandıqdan sonra Müştərinin şəxsi kabinetində Rəqəmsal Zəmanət Talonu formalaşır.

3.2. Usta və təmir xidmətləri: Görülən işə və dəyişdirilən detallara talonda göstərilən müddət ərzində (minimum 30 gün) zəmanət verilir. Eyni nasazlıq təkrarlanarsa, xidmət ödənişsiz bərpa olunur.

3.3. Təmizlik və quru təmizləmə: Xidmət zamanı Müştərinin əmlakına və ya geyimlərinə zərər dəyərsə, Platforma dəymiş zərərin Tərəfdaş və ya sığorta fondu hesabına kompensasiya edilməsinə zəmanət verir.

3.4. Dayə və baxıcı xidmətləri: Platforma yalnız sənədləri (şəxsiyyət vəsiqəsi, sağlamlıq arayışı, məhkumluq barədə arayış) yoxlanılmış və təsdiqlənmiş kadrların təqdim edilməsinə zəmanət verir.

4. Ödəniş və Təhlükəsiz Hesab (Escrow) Qaydaları

4.1. Müştəri xidmət haqqını Platforma üzərindən nağdsız qaydada ödəyir.

4.2. Ödənilən məbləğ xidmət tam icra olunana və Müştəri tərəfindən sistemdə təsdiqlənənə qədər Platformanın təhlükəsiz hesabında saxlanılır.

4.3. Xidmətdən narazılıq yarandıqda Müştəri 24 saat ərzində Platformaya şikayət bildirməlidir. Bu halda ödəniş mübahisə həll olunana qədər dondurulur.

5. Müştərinin Öhdəlikləri

5.1. Sifariş zamanı ünvanı, əlaqə nömrəsini və işin həcmini dəqiq qeyd etmək.

5.2. İcraçının işini təhlükəsiz görməsi üçün müvafiq şərait yaratmaq.

5.3. Xidmət bitdikdən sonra işin keyfiyyətini yoxlamaq və sistemdə təsdiq düyməsini sıxmaq.